"Протон-М" өтемақысы бойынша келіссөздер әлі аяқталған жоқ

04 Маусым 2014, 15:26
0
"Протон-М" өтемақысы бойынша келіссөздер әлі аяқталған жоқ - ©rus.azattyq.org
©rus.azattyq.org

Қазақстан аумағында апатқа ұшыраған "Протон-М" зымыран тасығышының өтемақысын төлеу бойынша келіссөздер әлі де жалғасуда, деп хабарлайды Tengrinews.kz тілшісі ҚР Қоршаған ортаны қорғау және су ресурстары жөніндегі министрі Нұрлан Қаппаровқа сілтеме жасап.

"Қазір біз өтемақыны төлеуге қатысты келіссөздерді жүргізіп жатырмыз. Осыған орай, арнайы жұмыс тобы да құрылған. Бұл - оңай шаруа емес. Қандай да бір жаңалықтар болса, біз бірден хабарлайтын боламыз", - деді бүгін Н.Қаппаров Орталық коммуникациялар қызметінде өткен брифингте.

Осы орайда министр Роскосмос немесе Ресей үкіметінің өзімен арнайы келісімшартты рәсімдеу мәселесінің пысықталып жатқандығын жеткізді. Аталған құжатқа сәйкес, болашақта Қазақстанның Экологиялық кодексі нормалары Байқоңыр қаласына да таралуы мүмкін. Айта кеткен жөн, қазіргі кезде ол жерде Ресей Федерациясының заңнамасы енгізілген.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай