Қарағандыда бағанаға байлаулы тұрған қайыршы баланың тағы бір видеосы пайда болды

Қарағандыда бағанаға байлаулы тұрған қайыршы баланың тағы бір видеосы пайда болды, - деп хабарлайды Tengrinews.kz тілшісі.

Instagram желісіндегі kimkaterina.krg блогында әйел адамның қыздың байлап жатқаны түсірілген видео пайда болды. Бағанаға байланған кішкентай қыздың видеосы осы аптада үлкен шу шығарған еді.

Еске сала кетейік, осыған дейін қарағандылық полицейлер бағанаға байлаулы қайыршы баланы тапқан еді. 

БАҚ пен әлеуметтік желілерде бағанаға байланған қайыршы бала туралы ақпарат тарағаннан кейін Қарағанды полицейлері тексеріс жүргізген. Полицейлер адамдардан қайыр сұрап жүрген төрт баланы ұстаған. Жағдайдың мән-жайын анықтау кезінде балалардың бір-бірін байлап ойнағаны белгілі болған еді.