"ҚазАгро" ұлттық холдингі" АҚ жаңа басқарма төрағасы тағайындалды

"ҚазАгро" ұлттық холдингі" АҚ жаңа басқарма төрағасы тағайындалды, - деп хабарлайды Tengrinews.kz тілшісі Ауыл шаруашылығы министрлігінің баспасөз қызметіне сілтеме жасап.

"Премьер-министрдің орынбасары - Ауыл шаруашылығы министрі Өмірзақ Шөкеев "ҚазАгро" ұлттық холдингі" АҚ ұжымына жаңа басқарма төрағасы Құрманов Рүстем Жомартұлын таныстырды", - делінген ведомство хабарламасында.

Құрманов Рүстем Жомартұлы - 1981 жылы туған, Солтүстік Қазақстан облысының Новоишимск ауылының тумасы, экономика ғылымдарының кандидаты.

Рүстем Құрманов 2003 жылдан бастап Қазақстан Республикасы Ауыл шаруашылығы министрлігінің Агроөнеркәсіптік кешеніндегі мемлекеттік инспекция комитетінің Ақмола облыстық аумақтық басқармасының экономикалық сараптау бөлімінің жетекші маманы, бөлім басшысы, 2009 жылдан бастап Қазақстан Республикасы Ауыл шаруашылығы министрлігінің инвестициялық саясат департаменті басқарма басшысы, директоры, 2013 жылдан бастап Қазақстан Республикасы Ауыл шаруашылығы министрлігінің Ветеринарлық бақылау және қадағалау комитетінің төрағасы, 2015 жылдан бастап "Атамекен" ҰКП басқарушы директор, 2017 жылдан бастап Қазақстан Республикасының Ауыл шаруашылығы вице-министрі қызметтерін атқарды.