"Қазақстан - 2050" стратегиясы 19 тілге аударылды

Бүгінде "Қазақстан - 2050" старегиясының мәтіні әлемнің 19 тіліне аударылып отыр, деп хабарлайды Tengrinews.kz тілшісі Strategy2050.kz порталына сілтеме жасап. 

Ақпараттық порталдың хабарлауынша, енді "Қазақстан - 2050" стратегиясының мәтінімен Ұлыбритания, Болгария, Испания, Италия, Германия, Румыния, Турция, Франция, Хорватия, Қырғызстан, Украина, Өзбекстан, Тәжікстан, Түркменстан, Қытай, Корея, Жапония, Иран и Сауд Арабиясы сияқты елдердің азаматтары таныса алады. Мәтіннің аудармасы Strategy2050.kz порталында орналасқан. Оны ұялы құрылғылар арқылы да оқуға болады.

Айта кетейік, стратегияны Мемлекет басшысы Нұрсұлтан Назарбаев "Қазақстан - 2050" стратегиясы: қалыптасқан мемлекеттің жаңа саяси бағыты" атты ел халқына арналған Жолдауы барысында алғаш рет жариялаған болатын.