Қазақстан Интернет тіліне көшіп жатыр - Назарбаев

Қазақ әліпбиінің құрамына кірген кейбір кирилл әріптері көптеген адамға білім алуға қиындық туғызды. Бұл туралы Мемлекет басшысы Нұрсұлтан Назарбаев айтты, - деп хабарлайды Tengrinews.kz тілшісі.

"Кирилл әліпбиінде бірнеше әріп қазақ лексикасында кездеспейді. Қазақ тілінде Щ, Ъ, Ь, Ч, Я (біз "Япония" емес, "Жапон" деп сөлейміз ғой), Ш, Ц әріптері жоқ - мұның бәрі адамдарға жазып, оқуға қиындықтар туғызды", - деп түсіндірді Мемлекет басшысы қазақ әліпбиін латынға ауыстыру туралы шешімін. 

Елбасының айтуынша, Қазақстан жалпы дамытушы ақпарат әлеміне аяқ басып жатыр - бұл Интернет тілі, ғылым мен мәдениет тілі. "Неге латын дейсіздер ме? Бүгінде ғылым, мәдениет туралы мәліметтің 70-тен аса пайызы ағылшын тілінде. Ағылшын тілі латын қарпімен жазылады. Бізде үштілділік жарияланды. 2020 жылға дейін бірінші сыныптан бастағандар ағылшын тілін біліп аяқтайды, яғни балалар латын қарпін біледі", - деді Президент.

Ол жаңа әліпби туралы жарлыққа қол қойылып қойғанын еске салды. 

Айта кетейік, Астанада Мемлекет басшысының қатысуымен "Қазақстанның 100 жаңа есімі" форумы өтіп жатыр. "100 жаңа есім" жобасы - Тәуелсіздік жылдарында табысқа жеткен, еліміздің әр өңірінде тұратын түрлі жастағы, сан алуан этнос өкілдерінің тарихы.