Қазақстан мен Ресейдің жол сапасы салыстырылды

Танымал видеоблогерлер әрі радиожүргізушілер Сергей Стиллавин мен Рустам Вахидов Қазақстан мен Ресейдің жол сапасын салыстырды, - деп хабарлайды Tengrinews.kz тілшісі. 

"Большой тест-драйв" жобасынан үзінді роликті ҚР Инвестиция және даму министрлігінің ресми өкілі Мұрат Жұманбай Facebook желісіндегі парақшасында жариялады. 

"Қорытындылай келе, Қазақстан үшін Ресей Федерациясымен қарым-қатынас маңызды болып тұр, себебі олар бауырлас елге қарай жақсы жол салған", - деді видеода Сергей Стиллавин. 

Айта кетейік, Қазақстан мен Ресейдің жол сапасы салыстырылған видео YouTube желісінде 2016 жылы жарияланған еді. Ол кезде Сергей Стиллавин мен Рустам Вахидов Байқоңырға барған еді.  

Еске салайық, 2016 жылы ресейлік актер әрі шоумен Станислав Ярушин Атырау - Астрахан тасжолының сапасына көңілі толмайтынын айтқан. Зерттеу нәтижесі бойынша, Қазақстандағы жолдардың жартысынан азы жақсы деп бағаланған.