Қазақстан Президентінің көмекшісі тағайындалды

Қазақстан Президентінің көмекшісі тағайындалды, - деп хабарлайды Tengrinews.kz тілшісі Ақордаға сілтеме жасап.

Ақорданың сайтында Қазақстан Республикасы Президентінің көмекшісі қызметіне Әлихан Смайыловтың тағайындалғаны хабарланып отыр. Бұған дейін ол Қазақстанның Ұлттық экономика министрлігінің Статистика жөніндегі комитетінің төрағасы қызметінде еді. 

Әр жылдары ол сыртқы істер вице-министрі, қаржы вице-министрі, "ҚазАгро" Ұлттық холдингі"АҚ президиенті қызметтерін атқарған.