Қазақстан ҚХДР-дің баллистикалық зымыран ұшыруына қатысты мәлімдеме жасады

Қазақстан Республикасының Сыртқы істер министрілігі Корей Халық Демократиялық Республикасының (КХДР) баллистикалық зымыран ұшыруына қатысты мәлімдеме жасады, - деп хабарлайды Tengrinews.kz тілшісі. 

"Қазақстан Республикасы Корей Халық Демократиялық Республикасы 2017 жылдың 28 шілдесінде балистикалық зымыран ұшыруын қатаң сынға алады. Мұндай әрекеттер БҰҰ Қауіпсіздік Кеңесінің резолюциясын бұады, әлемге қауіп төндіреді, шығыс аймақта және бүкіл әлем бойынша жағдайды тұрақсыздандырады. КХДР-дің жауапсыз саясаты ядролық қару таратпаудың жаһандық процесіне кері әсер етеді. Осы себепті ҚХДР-ді өз елінің игілігі мен бүкіл әлемнің қауіпсіздігі үшін ядролық амбициялардан бас тартуға шақырамыз", - делінген хабарламада. 

ҚР СІМ өкілдері ҚХДР-дің зымыран және ядролық қауіптілігі келіссөздерді жандандыру арқылы өзара ұтымды шешім табуға итермелейтінін айтып отыр.