Қазақстан Қырғызстанға көмек ретінде 41 миллион доллар бөлді

Қазақстан көмек ретінде Қырғызстанға 41 миллион доллар көлемінде алғашқы траншын жасады, - деп хабарлайды Tengrinews.kz тілшісі ҚР премьер-министрінің баспасөз қызметіне сілтеме жасап. 

Еуразиялық экономикалық интеграция жағдайында экономикалық ықпалдастықты дамытуға бөлінген қаржылы көмек Қырғызстанның кедендік, ветеринар және карантин қызметін жетілдіруге бағытталады. 

Еске салайық, Қазақстан мен Қырғызстан арасындағы 2016 жылдың желтоқсанында жасалған келісім бойынша, Қазақстан 100 миллион доллар бөледі. 

Қырғызстан тарапына техникалық демеу бұл елдің ЕАЭО Келісіміне қосылу бойынша Жол картасы жобасын іске асыруға бағытталған. 

"Демеу көрсету арқасында Қырғыз Республикасы қысқа уақытта экономикасын ЕАЭО-талаптарына бейімдей алады", - делінген хабарламада.