Қазақстанда демалыс күндерінің ауа райына болжам жасалды

Қазақстанда алдағы демалыс күндерінің ауа райына болжам жасалды, - деп хабарлайды Tengrinews.kz тілшісі "Қазгидромет" кәсіпорнына сілтеме жасап.

Синоптиктердің мәліметінше, демалыс күндері күшті антициклон республиканың барлығына дерлік аумағындағы қалыптыдан 3-7 градус төмен температура мен жауын-шашынсыз ауа райын ұстап тұратын болады. 

"4-6 сәуірге арналған ауа райы болжамы бойынша, батыс облыстарында және дүйсенбі күні оңтүстік облыстарда атмосфералық фронттармен Еуропалық Ресейдің орталық аудандарынан және Алдыңғы Азиядан жылы және ылғалды ауа таралатын болады, ол температураның көтерілуіне және кей жерлерде жауын-шашын шақырады", - деп хабарлады синоптиктер.

Еске сала кетейік, бұған дейін сәуірде Қазақстанның бірнеше облысында күннің суық болатыны хабарланған еді. Көктемнің екінші айында ауа температурасы Шығыс Қазақстан, Алматы облыстарында нөлден төмен болады және Қарағанды облыстарында ішінара суытады. Қарағанды облысында күн жауын-шашынды болады. Шығыс Қазақстан, Жамбыл, Алматы облыстарында және ішінара Павлодар облысында жауын-шашын мөлшері нормадан төмен болады деп болжады.