Қазақстанда көлік тіркеу уақытша тоқтатылды

Қазақстанда көлікті тіркеуге құжат қабылдау және автокөлікті қайта тіркеу тоқтатылды, - деп хабарлайды Tengrinews.kz тілшісі. Бұл туралы "Азаматтарға арналған үкімет" мемлекеттік корпорациясының басқарушы директоры Мұрат Жұманбай хабарлады.

Оның айтуынша, бұл мәліметтер базасындағы техникалық ақауға байланысты.

"Құрметті автокөлік иелері! ҚР ІІМ деректер базасындағы техникалық жұмыстарға байланысты 2019 жылдың 23 қыркүйегінде құжаттарды қабылдау мамандандырылған ХҚКО-да тіркеуге және қайта тіркеуге сағат 10.30-дан 12.30-ға дейін және 17.00-ден 19.00-ге дейін тоқтатылды", - деп мәлімдеді Мұрат Жұманбай Faceboоk желісінде.

"Айта кетейік, бұл қызмет осы айтылған уақытта электронды үкімет порталында да қолжетімсіз болады. Түсінушілік танытуларыңызды сұраймын", - деп жазды ол.