Қазақстанда жаңа мереке пайда болуы мүмкін

Қазақстанда жаңа мереке енгізу ұсынылды, - деп хабарлайды Tengrinews.kz тілшісі. Парламент Мәжілісінің депутаты Бақытбек Смағұл осындай ұсыныс айтты.

Мәжілісмен еуразиялық интеграция аталып кеткен тарихи үдерістің Қазақстаннан бастау алғанын атап өтті. 

"2014 жылы 29 мамырда Астанада Еуразиялық экономикалық одақ туралы келісімге қол қойылғаны бәріне белгілі. Сондықтан интеграция мен бірігу идеяларын насихаттау мақсатында және Қазақстанды Еуразиялық одақты құру идеясының авторы ретінде бекіту үшін "Еуразиялық интеграция күні" мерекесін атап өтуді ұсынамын", - деді Бақытбек Смағұл "ҚР және Еуразиялық кеңістік: дамудың бүгіні мен болашағаы" атты халықаралық ғылыми-практикалық конференция барысында журналистерге жауап бере отырып.