Қазақстандықтар екі мемлекетте визасыз жүретін болды

Қазақстандықтар екі мемлекетте визасыз жүретін болды, - деп хабарлайды Tengrinews.kz тілшісі ҚР СІМ баспасөз қызметіне сілтеме жасап.

Баспасөз қызметінің мәліметінше, Қазақстан азаматтары Грузия Үкіметінің 2015 жылғы 5 маусымдағы № 255 қаулысына сәйкес, 8 маусымнан бастап Грузия аумағында бір жыл визасыз болу құқығына ие болды.

Сонымен қатар, Черногория Үкіметінің 2015 жылғы 23 сәуірде күшіне енген шешіміне сәйкес, Қазақстан Республикасының азаматтары 2015 жылдың 15 сәуір-31 қазан аралығында Черногория аумағына 30 тәулікке дейін визасыз кіріп-шыға алады.