Қазақстандықтар Конституция күніне орай қанша күн демалады

Дәстүрлі түрде 30 тамызда жыл сайын тойланатын Конституция күні биыл жексенбіге келіп отыр. Тәртіп бойынша, мереке күні мен демалыс күні сәйкес келіп қалса, мерекеден келесі күні де демалыс жарияланады.

Осылайша, биыл қазақстандықтар 29, 30 және 31 тамызда демалады. Еске сала кетейік, egov.kz сайтында мерекелердің 2015 жылға арналған күнтізбесі шыққан болатын.

Айта кетейік, биыл Қазақстанның ел Конституциясын республикалық референдумда қабылдағанына 20 жыл толады. Негізгі заңның мерейтойы Қазақстан халқы ассамблеясының 20 жылдық мерейтойымен бірге жалпымемлекеттік деңгейде тойланады.