Қазақстанның басым бөлігінде қар жауады

Төтенше жағдайлар комитетіндегілер "Қазгидромет" өкілдеріне сілтеме жасай отырып, 20 ақпанда қандай ауа райы күтілетінін айтып берді, - деп хабарлайды Tengrinews.kz тілшісі. 

ТЖК мәліметінше, еліміздің басым бөлігінде қар жауады деп күтіледі. Кейбір аумақтарда тұман, көктайғақ және желдің күшеюі күтіледі.

Ақмола облысында қатты жел, күндізгі уақытта секундына 15-20 метрге дейін жететін жел соғады. Алматы облысында тұман, көктайғақ, түнгі уақытта секундына 17-22 метрге жететін жел тұрады. Жамбыл облысында, Оңтүстік Қазақстан облысында тұман, көктайғақ, секундына 15-20 метрге жететін жел болады. 

Қызылорда облысында тұман, көктайғақ, секундына 15-20 метр болатын жел соғады. Атырау, Батыс Қазақстан, Ақтөбе облыстарында да қатты жел тұрады. Ақтөбе облысында секундына 23 метрге жететін жел тұруы мүмкін. Қостанай,  Солтүстік Қазақстан аумақтарында жел, таңғы және түнгі уақытта тұман болып, күндізгі уақытта секундына 23-28 метрге жететін жел соғады деп күтіледі.

Павлодар облысында тұман, күндізгі уақытта секундынан 15-20 метрге жететін жел тұрады екен. Қарағанды облысында тұман, көктайғақ және секундына 15-20 метр болатын жел болады. Шығыс Қазақстан облысында жел, көктайғақ, секундына 15-20 метр болатын, ал күндізгі уақытта секундына 25 метрге дейін жететін жел тұрады деп күтіледі.