Қазақстанның екі облысында ауа райы бұзылады

Синоптиктер еліміздің екі облысында ауа райы бұзылатынын ескертеді, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап.

Синоптиктердің мәліметінше, ертең, 21 қарашада Қызылорда облысының кей жерлерінде тұман, көктайғақ болады. Қостанай облысының кей жерлерінде де бұрқасын, тұман болып, күндіз оңтүстік-батыстан жел 18 м/с күтіледі.

Еске сала кетейік, осыған дейін "Қазгидромет" мамандары  алдағы күндері қар жауып, жел күшейетіні жайлы хабарлаған болатын.