Қазақстанның жанармай бекеттерінде бензин бір айда екінші рет қымбаттады

Қазақстанда кейбір жанармай бекеттерінде бензин бағасы қайта көтерілді, - деп хабарлайды Tengrinews.kz тілшісі. 

"Қазмұнайгаз" жанармай бекеттерінде бензин 2 теңгеге көтеріліп, АИ-92 139 теңгеден 141 теңгеге қымбаттаған. АИ-95 154 теңгеден сатылып жатыр. "ҚазМұнайГаз Өнімдері" баспасөз қызметінің мәліметі бойынша, бағалар нарықтың өзге қатысушыларының бағасымен теңестірілді.

"Лукойл" жанармай бекеттерінде де бензин қымбаттады. АИ-92 бағасына 5 теңге қосылып, литіріне 145 теңгеден сатылып жатыр. АИ-95 қазір 165 теңге. 

Айта кетейік, Sinooil, Helios, Royal Petrol жанармай бекеттерінде бағалар өзгерген жоқ.

Еске салайық, ақпан айының басында Қазақстанда бензин бағасы бір рет көтерілген.