Қазақстанның жеті облысында су тасқынына байланысты ескерту жарияланды

Қазақстанның жеті облысында ауа температурасының жылынуына байланысты су тасқыны қаупі туралы ескерту жасалды, - деп хабарлайды Tengrinews.kz тілшісі ҚР ІІМ ТЖ Комитетіне сілтеме жасап. 

"Қазгидромет" РМК деректері бойынша, 2017 жылғы 8-13 сәуірде ауа температурасының көтерілуі болжануда, Ақмола, Солтүстік Қазақстан, Павлодар, Ақтөбе, Қостанай және Қарағанды облыстарында дауылды ескерту жарияланды", - делінген хабарламада.

Сонымен қатар, алдағы күндері Шығыс Қазақстан облыстарының өзендерінде көктемгі процестердің одан әрі дамуы, өзендердің ашылуы, сең жүруі, су деңгейлерінің көтерілуі, жергілікті ағын сулардың қалыптасуы, ықтимал су басулары күтілуде.

Оңтүстік Қазақстан, Жамбыл және Алматы облыстарының өзендерінде сулылықтың ұлғаюы байқалатыны айтылды.