Қорғаста ішік және қатты дисктердің ірі партиясы ұсталды

"Қорғас" ШЫХО-да тері өнімдері, қатты диск және басқа да электрониканың ірі партиясы ұсталды, - деп хабарлайды Tengrinews.kz тілшісі Алматы облыстық "Алтынкөл" кеден бекетінің баспасөз қызметіне сілтеме жасап.

18 қазанда адамдардың қолжүгі мен багажын кедендік бақылаудан өткізу кезінде кеден қызметкерлері рентген аппараты арқылы күмәнді тауарларды байқаған.

Контрабандашылардың 25 тері өнімін, бір терабайттық 20 қатты диск пен флеш жинақтаушы және 121 сағатты шекарадан өткізгісі келгені анықталды.

Ведомстводағылардың айтуынша, мұндай тауарларды тасымалдау үшін арнайы рұқсат керек.