ҚР ИДМ Bek Air ұшағының Астанада апатты жағдайда қону себебін анықтайды

ҚР Инвестиция және даму министрлігінің комиссиясы Bek Air әуе компаниясының ұшағының Астанада алдыңғы шассиінсіз қону себебін тергейді, - деп хабарлайды Tengrinews.kz тілшісі ведомствоның баспасөз қызметінің өкілдеріне сілтеме жасап.

Еске сала кетейік, бұған дейін Bek Air әуе компаниясының Қызылордадан ұшып келген "Фоккер-100" ұшағының Астана әуежайында апатты жағдайда қонғаны хабарланған болатын. Ұшақ алдыңғы шассисіз қонған. Оқиға сағат 10.30-да болды. Айта кетейік, апатты жағдайға байланысты әуежай жұмысын сағат 13.00-ге дейін тоқтатты. Сонымен қатар, Bek Air басшысы апатты жағдайда қонған ұшаққа қатысты түсінік берді.

Сонымен қатар, ведомстводағылар әуежайдың, қалалық жедел қызметтің үйлесімді жұмысы мен әуе кемесінің эикипажының кәсібилігі жөнінде айтты.