ҚР Қорғаныс және аэроғарыш өнеркәсібі министрлігінің жауапты хатшысы тағайындалды

Әнуар Ахметжанов Қорғаныс және аэроғарыш өнеркәсібі министрлігінің жауапты хатшысы тағайындалды, - деп хабарлайды Тengrinews.kz тілшісі Ақордаға сілтеме жасап. 

"Мемлекет басшысының Өкімімен Әнуар Мұратұлы Ахметжанов Қазақстан Республикасы Қорғаныс және аэроғарыш өнеркәсібі министрлігінің жауапты хатшысы қызметіне тағайындалды", - делінген Ақорданың баспасөз қызметі таратқан хабарламада.

Еске салайық, 2016 жылы 6 қазанда Қазақстан Республикасының Қорғаныс және аэроғарыш өнеркәсібі министрлігі құрылды. Президенттің Жарлығымен Бейбіт Бәкірұлы Атамқұлов Қазақстан Республикасының Қорғаныс және аэроғарыш өнеркәсібі министрі болып тағайындалды.