Қыдырәлі Болманов мәдениет және спорт министрінің кеңесшісі болды

Әнші әрі продюсер Қыдырәлі Болманов мәдениет және спорт министрі Ақтоты Райымқұлованың кеңесшісі болды, - деп хабарлайды Tengrinews.kz тілшісі.

Оның тағайындалғаны туралы әріптесі - министр кеңесшісі Ерлан Жұрынбаев мәлімдеді.

Қыдырәлі Болманов - танымал қазақстандық әнші және композитор. Өз мансабын "АБК" музыкалық тобында бастаған. Болманов "Ұлытау" музыкалық ұжымының продюсері және ойыншықтарды өндіруге маманданған "Балбала" компаниясының негізін қалаушы.

Таяуда танымал қазақстандық әнші Мейрабек Бесбаев Алматы қаласы әкімнің штаттан тыс кеңесшісі болып тағайындалды.