+7 (777) 001 44 99
Қазақша
Русский
English
19 қазан 2022 | 08:46
Ресеймен шекарада екі қазақстандық елді мекен құрылады
Атыраудың Ресеймен шекарадағы Құрманғазы ауданында екі елді мекен құрылады, - деп хабарлайды Tengrinews.kz тілшісі "Мой Город" басылымына сілтеме жасап.
ПОДЕЛИТЬСЯ
Атыраудың Ресеймен шекарадағы Құрманғазы ауданында екі елді мекен құрылады, - деп хабарлайды Tengrinews.kz тілшісі "Мой Город" басылымына сілтеме жасап.
Басылым мәліметінше, 468 жер теліміне есептелген жобаның құны бір миллиард 550 миллион 645 мың теңге. Мердігер - "Қарағанды жолдары" ЖШС. Компания инженерлік-коммуникациялық инфрақұрылым құрылысын толығымен аяқтады.
Кезекте тұрған азаматтарға тұрғын үй салу үшін 0,1 гектар жер телімін беруге уәде берілді.
"Құрманғазы ауылында 2016 жылдан бері 2000-ға жуық өтініш беруші кезекте тұр. Тұрғындар кезекпен жер алып жатыр, 60 өтініш беруші жер телімдерін алып үлгерді. 120 тұрғынға жер кезегімен беріледі", - деді аудандық құрылыс, сәулет және қала құрылысы бөлімі басшысының міндетін атқарушы Ренат Нұғманов.
Алдағы уақытта аудандағы жаңа елді мекендер қатарына Болашақ және Шипажай шағын ауылдары да қосылады, деп жазады басылым.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
