Ресеймен шекарадағы ұзын-сонар кезек: ҰҚК мәлімдеме жасады

Ұлттық қауіпсіздік комитеті Қазақстан-Ресей шекарасындағы ұзын-сонар кезек туралы ақпаратқа қатысты пікір білдірді, - деп хабарлайды Tengrinews.kz тілшісі.

Ведомство мәліметінше, қазір Қазақстан-Ресей шекарасындағы Ақтөбе облысының "Жайсаң" және "Әлімбет" өткізу бекеттерінде жүк көліктерінің кептелісі байқалады.

"Бұл жемістер мен көкөністерді тасымалдау көлемінің артуына байланысты және маусымдық сипатқа ие. Бақылау бекеттері қалыпты режимде жұмыс істейді, ешқандай шектеулер енгізілген жоқ", - делінген хабарламада.

Қазақстандықтарға жағдайды ескеріп, жүру бағытын алдына ала жоспарлау ұсынылды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!