Ревакциналанған қазақстандықтардың "жасыл" мәртебесі қанша уақыт сақталады?

Алматы қалалық Қоғамдық денсаулық сақтау департаменті ревакциналанған қазақстандықтардың "жасыл" мәртебесі қанша уақыт сақталатынын айтты, - деп хабарлайды Tengrinews.kz тілшісі.

"Ревакцинация алғандарда "жасыл" мәртебе тағы бір жылға, яғни 12 айға ұзартылады. Желтоқсан айында қайта егілгендер келесі желтоқсанға дейін "жасыл" мәртебеге ие болады", - деді Алматы қалалық қоғамдық денсаулық сақтау басқармасы басшысының орынбасары Светлана Сұлтанғазиева.

25 қаңтардағы жағдай бойынша Алматыда 122 960 азамат ревакцинация алды.

22 қаңтарда Алматыдағы қоғамдық денсаулық сақтау департаментінің қоймасына Sputnik Light вакцинасының 12 мың дозасы келді. Препарат ревакцинацияға арналған.

Сілтемесіз жаңалық оқисыз ба? Онда Telegram желісінде парақшамызға тіркеліңіз!