18 желтоқсан 2024 | 12:21

Робототехникадан балетке дейін: Екібастұзда құны 5 миллиард теңгені құрайтын балалардың шығармашылық орталығы ашылды

Фото: KAZ Minerals

Жаңа орталық бір уақытта 9 мың балаға дейін қабылдай алады. Мұндағы үйірмелер мен секциялардың бәрі тегін, деп хабарлайды Tengrinews.kz.

Жаңа орталық бір уақытта 9 мың балаға дейін қабылдай алады. Мұндағы үйірмелер мен секциялардың бәрі тегін, деп хабарлайды Tengrinews.kz.

"Самғау" орталығы – жалпы ауданы 7000 шаршы метрден асатын үш қабатты ғимарат. Оның құрылысына бір жылдан аса уақыт жұмсалды. Жобаның жалпы құны 5,3 миллиард теңге және ол толығымен демеушілер бөлген қаржы.

"Былтыр мемлекет басшысы Қасым-Жомарт Тоқаев Екібастұз қаласына жұмыс сапарымен келгенде тұрғындар Президенттен балалары шығармашылықпен айналысатын жаңа орталық салып беруді сұраған еді. Бүгінгі ашылу салтанаты - мемлекет басшысы жүктеген тікелей тапсырманың орындалғанының дәлелі. Бұл ретте, ғимараттың біздің қаламыздың негізін құрайтын аймақтағы ең ірі қос кәсіпорынның демеушілік көмегінің арқасында тұрғызылғанын атап өткім келеді. Жобаға 5 миллиард теңгеден астам қаржы бөлді. Ғимарат қаланың көлік қатынасы үшін қолайлы дәл орталығында орналасқан, және ерекше білім беруді қажет ететін балаларға арналған инклюзивті оқыту талаптарына 100% сай келеді. Мұнда арнайы лифт, көтеру құрылғылары мен тифло және сурдоаудармаға арналған жабдықтар қарастырылған, - деп мәлімдеді аймақ басшысы Асайын Байханов. - Балалар шығармашылық орталығы құрылысының негізгі демеушілерінің бірі KAZ Minerals Тобы".

"Самғау" орталығында дәрістер 12 бағытта өткізіледі. Ғимаратта сурет салу студиясы, балет және театр студиялары, дыбыс және телестудиялары мен ғылыми-биологиялық зертханалар, робототехника клубы мен ғарыштық байланыс клубы жасақталған. Арнайы концерт залы, музыкамен айналысатын кабинеттер, тігін машиналары орнатылған бөлмелер де бар. Жаңа орталықта сондай-ақ гидропоникамен айналысатын қондырғы да орнатылған. Сонымен қатар, мұнда психологиялық-педагогикалық қолдау кабинеті мен спорттық аймақ қарастырылған.

"Екібастұз түрғындарын KAZ Minerals атынан дәл осындай керемет орталықтың ашылуымен құттықтаймын. Біз балалардың шығармашылықпен айналысып, білім алып, өз таланттарын паш ету үшін жақсы жағдай жасалу қажеттігін түсінеміз. Сол себепті KAZ Minerals Тобы аталмыш жобаны жүзеге асыруға ерекше құлшыныспен кірісті. Біздің компания жас ұрпақтың дамуына қашанда ерекше көңіл бөліп келеді, және біз бұл жобаны қаланың инфрақұрылымын дамытуға қосқан үлесіміз ғана емес, болашаққа да қосқан үлесіміз деп санаймыз. Біз бұл орталықтың Екібастұздағы барлық таланттардың басын қосатын ортаға айналарына сенеміз", - дейді "KAZ Minerals Bozshakol" ЖШС бас директорының міндетін атқарушы Нұрлыбек Кустаубаев.

Жаңа орталықтың арқасында Екібастұздағы 70% балалар мен жасөспірімдер қосымша білім ала алады. Бұған дейін бұл көрсеткіш 30% шамасында болған. Орталық аптаның жеті күнінде де жұмыс істейді және мұнда 50 шақты педагог жұмыспен қамтамасыз етілген. Күн сайын мұндағы түрлі үйірмелер мен клубтар 3 мыңға дейін бала қабылдай алады.

KAZ Minerals ұсынған материал

Вопрос от редакции

Что вы об этом думаете?