Рубио Қазақстанға келуге ниет білдірді

АҚШ Мемлекеттік хатшысы Марко Рубио 2026 жылы Қазақстанға келуге ниет білдірді. Бұл туралы ол Вашингтонда Орталық Азия елдерінің сыртқы істер министрлеріне арналған қабылдауда мәлімдеді, - деп хабарлайды Tengrinews.kz тілшісі.

Марко Рубио АҚШ президентінің Оңтүстік және Орталық Азия бойынша арнайы өкілі Серджио Гор мен АҚШ Мемлекеттік хатшысының бірінші орынбасары Кристофер Ландаудың Қазақстанға сапарын "маңызды миссия" деп атады.

"Олар онда біраз уақыт болды. Мен білсем, олар аймақтың басқа елдеріне баруды да асыға күтеді. Өзім де келесі жылы бес елге барғым келеді, сондықтан сапар кем дегенде бір аптаға созылуы мүмкін", - деді Рубио.

Еске салайық, жуырда АҚШ президентінің Оңтүстік және Орталық Азия бойынша арнайы өкілі Серджио Гор мен АҚШ Мемлекеттік хатшысының бірінші орынбасары Кристофер Ландау Қазақстанға келді.

Ал бүгін Қазақстан Президенті Вашингтонға сапармен барды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!