Сағатына 200 шақырым: Астанада жүргізуші ұсталды

Видео авторы жылдамдықты шектен асырып, басқа да жол қозғалысы ережелерін өрескел бұзғаны үшін қамауға алынған.

"Тексеру барысында 19 жастағы жігіт анықталды, ол жыл басынан бері жол қозғалысы ережелерін бұзғаны үшін 27 рет әкімшілік жауапкершілікке тартылған. Сонымен қатар, 12 тамызда ол қарсы жолаққа шыққаны үшін алты ай мерзімге көлік құралын басқару құқығынан айырылды", - деді Астана ПД өкілдері.

Жүргізуші әкімшілік жауапкершілікке тартылды. Әкімшілік құқық бұзушылық істері жөніндегі мамандандырылған ауданаралық сотының қаулысы бойынша жүргізуші 10 тәулікке қамауға алынды. Көлік тұраққа қойылған.

Сілтемесіз жаңалық оқисыз ба? Онда Telegram желісінде парақшамызға тіркеліңіз!