Сағынтаев пен Байбек Twitter-де сөйлесті

Бұрынғы қала басшысы Бауыржан Байбек пен Алматының жаңа әкімі Бақытжан Сағынтаев Twitter желісінде "сөйлесті", - деп хабарлайды Tengrinews.kz тілшісі. 

Алдымен Байбек Сағынтаевпен бірге түскен суретін жариялап, "Жұмысымды тапсырдым" деп жазып қойды.  

Бір минуттан кейін Бақытжан Сағынтаевтың парақшасында "Жұмысты қабылдадым" деп жазылған жарияланым пайда болды.

29 маусымда Бауыржан Байбек Nur Otan партиясы төрағасының бірінші орынбасары лауазымына тағайындалды. Ол Алматы әкімі қызметінен босатылды. Қазақстанның ең ірі қаласының жаңа басшысы Бақытжан Сағынтаев болды.