Сағынтаев Шымкент пен Түркістан облысы әкімдеріне үндеу жасады

Қазақстанның премьер-министрі Бақытжан Сағынтаев үкімет отырысы барысында Шымкент пен Түркістан облысы әкімдеріне үндеу жасады, - деп хабарлайды Tengrinews.kz тілшісі.

Сағынтаев шенеуніктерге Мемлекет басшысының Түркістан облысын құру және Шымкентке республикалық маңызы бар қала ретінде бекіту туралы жарлығын еске салды.

"Мемлекет басшысының жарлығы бойынша осы өңірлерге әкімдер тағайындалды. Жансейіт Түймебаев Түркістан облысының әкімі, ал Ғабидолла Әбдірахымов Шымкент әкімі болып тағайындалды. Сіздерді құттықтаймыз, енді сіздерді үлкен жұмыстар күтіп тұр. Сондықтан жұмыстарыңызға сәттілік тілеймін", - деді премьер-министр Сағынтаев.

Еске сала кетейік, 19 маусымда Мемлекет басшысы Нұрсұлтан Назарбаев Қазақстанда Түркістан облысы пайда болатыны жайлы заңға қол қойған болатын.