+7 (777) 001 44 99
Қазақша
Русский
English
20 наурыз 2024 | 12:42
Самат Әбіш кінәсін мойындап, өкінді - сот
Сотта Ұлттық қауіпсіздік комитеті төрағасының бұрынғы бірінші орынбасары Самат Әбішке қатысты үкім түсіндірілді, - деп хабарлайды Tengrinews.kz тілшісі соттың баспасөз қызметіне сілтеме жасап.
ПОДЕЛИТЬСЯ
Сотта Ұлттық қауіпсіздік комитеті төрағасының бұрынғы бірінші орынбасары Самат Әбішке қатысты үкім түсіндірілді, - деп хабарлайды Tengrinews.kz тілшісі соттың баспасөз қызметіне сілтеме жасап.
Астананың Қылмыстық істер жөніндегі ауданаралық соты Самат Әбішке қызмет бабын асыра пайдалану бойынша үкім шығарды.
"Бірқатар бұқаралық ақпарат құралдарында пайда болған жарияланымдарға байланысты Астананың қылмыстық істер жөніндегі ауданаралық соты билікті асыра пайдаланды деген айып тағылған Ә-ге қатысты қылмыстық іс (Қылмыстық кодекстің 362-бабы, 4-бөлігі) қаралғанын хабарлайды. "Құпия" белгісін ескере отырып, сот отырыстары жабық форматта өтті", - делінген сот хабарламасында.
Сотта прокурор айыпты қолдап, соттан Әбішке 8 жыл мерзімге бас бостандығынан айыру жазасын тағайындауды, 10 жылға белгілі бір лауазымдарды атқару құқығынан айыруды сұрады. Бұл ретте қылмыстық кодекстің 63-бабы негізінде жаза пробациялық бақылауды белгілей отырып, сол мерзімге шартты түрде айқындалады.
"Сотталушы кінәні толық мойындады және жасағанына өкінді. Сот үкімі бойынша, Ә. Қылмыстық кодекстің 362-бабы, 4-бөлігінде көзделген қылмысты жасағаны үшін кінәлі деп танылды және 10 жыл мерзімге белгілі бір лауазымдарды атқару құқығынан айыра отырып, 8 жылға бас бостандығынан айырылды. Қылмыстық кодекстің 63-бабы негізінде тағайындалған жазаны шартты деп санау туралы қаулы шығарылды", - деп толықтырды сотта.
Сондай-ақ, сот жеңілдететін мән-жайлар ретінде жас балалардың болуын және оның шын жүректен өкінуін таныды. Ешқандай ауырлататын мән-жай анықталған жоқ.
Сонымен қатар, сот Әбішті арнайы атағы мен мемлекеттік наградаларынан айыру туралы ұсынысты Президентке енгізу туралы шешім қабылдады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
