"Самұрық-Қазына" Есімовтің денсаулығы туралы айтты

"Самұрық-Қазына" АҚ Қоғаммен байланыс департаментінің басшысы Сергей Куянов Ахметжан Есімовтің "еңбекке уақытша жарамсыздығы" туралы ақпаратқа түсінік берді, - деп хабарлайды Tengrinews.kz тілшісі.

Бірнеше күн бұрын Kozachkov offside Telegram-арнасында Үкімет қаулысына ұқсас құжаттың суреті пайда болды.

"Самұрық-Қазына" ұлттық әл-ауқат қоры" акционерлік қоғамының басқарма төрағасының еңбекке уақытша жарамсыздығы кезеңінде үздіксіз жұмысты қамтамасыз ету мақсатында республика Үкіметі қаулы етеді:

"Самұрық-Қазына" ұлттық әл-ауқат қоры" акционерлік қоғамының басқарма төрағасы міндетін атқару Алмасадам Майданұлы Сәтқалиевке жүктелсін", - делінген құжат мәтінінде.

Сергей Куяновтың айтуынша, Ахметжан Есімовтің жағдайы жақсы. 

"Кеше, өздеріңіз көргендей, ол ресми іс-шараға белсенді қатысып, әріптестерімен, ұжыммен әңгімелесті. Ал үкімет қаулысындағы тұжырымға келетін болсақ, бұл - бірнеше жағдайдың нәтижесі болды. Бір күн бұрын Есімов ПТР-тест тапсырып, күтпеген жерден коронавирус анықталды. Сондықтан үкіметтік құжатта осындай тұжырым жазылды. Бірақ қайта тестілеу және одан кейінгі екінші бақылау теріс нәтиже көрсетті. Яғни, біріншісі қате болған", - деді Сергей Куянов.

Сонымен қатар, ол бұл жағдай Есімовтің қызметтен кету туралы өзінің шешіміне сәйкес келіп қалғанын атап өтті.

Еске салайық, кеше, 29 наурызда Ахметжан Есімов "Самұрық-Қазына" басшысы қызметінен кеткені туралы хабарланды.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!