"Самұрық-Қазына" Qazaq Air жаңа басшысына конкурс жариялады

"Самұрық-Қазына" ұлттық әл-ауқат қоры Qazaq Air әуекомпаниясының басқарма төрағасы лауазымына конкурс жариялады, - деп хабарлайды Tengrinews.kz тілшісі.

"Авиация саласы мен оның даму перспективалары туралы өз көзқарасы бар кәсіби маман қажет", - делінген қордың хабарламасында.

Жаңа басшының кандидатурасына қойылатын талаптар:

• Авиация саласындағы қазақстандық немесе халықаралық компаниялардағы активтердің ірі портфельдерін басқару, жоғары деңгейдегі дәйекті әрі күрделі позицияларда кемінде 15 жыл жұмыс тәжірибесі болуы шарт;
• Жұмыс тәжірибесі 5 жылдан кем емес, оның ішінде соңғы 3 жыл ірі компанияларда болуы шарт;
• Күрделілігі және кіріс көлемі бойынша деңгейлес авиациялық компанияда жоғары басшылық лауазымдарда кемінде 5 жыл жұмыс тәжірибесі болуы шарт.

Бос орын Samruk Qyzmet сайтында орналасқан.

Qazaq Air - 2015 жылы құрылған қазақстандық авиакомпания. 

Сілтемесіз жаңалық оқисыз ба? Онда Telegram желісінде парақшамызға тіркеліңіз!