Санитар дәрігер коронавирус пен тұмаудың қабаттасу қаупін айтты

Алматы қаласының бас мемлекеттік санитар дәрігері Жандарбек Бекшин тұмаудың коронавируспен қабаттасу қаупі туралы ескертті, - деп хабарлайды Tengrinews.kz тілшісі.

"Мен тұрғындардан тұмауға қарсы вакцинаға өте байыпты қарауды сұраймын, өйткені ең қауіптісі - екі инфекцияның - коронавирус пен тұмаудың қабаттасуы. Екі жағдайда да өкпенің зардап шегетіні анық. Жүрек, бүйрек, бауыр зардап шегетіні анық. Осының бәрі созылмалы ауруларға әкеледі, сондықтан оған салмақты қараған жөн", - деді Бекшин.

Сонымен қатар, ол Алматыда тұмау мен ЖРВИ қашан өршитінін айтты. 

"Қаланың эпидемиологиялық қызметінің болжамы бойынша ЖРВИ мен тұмау осы жылдың қараша айының соңынан бастап 2021 жылдың бірінші тоқсанына дейін өршуі мүмкін. Алдағы эпидемиологиялық маусымның ерекшелігі - коронавирустың қабаттасу қаупі", - деді Бекшин.

Қазақстан жаңалықтары. Соңғы жаңалықтар. Telegram желісінде бізге жазыл!