+7 (777) 001 44 99
Қазақша
Русский
English
28 мамыр 2019 | 14:44
Сапарбаев қазіргі кәсіптік стандарттардың әзірленуі туралы баяндады
Еңбек және халықты әлеуметтік қорғау министрі Бердібек Сапарбаев қазіргі кәсіптік стандарттардың әзірленуі туралы баяндады. Оның айтуынша, 2025 жылға қарай еңбек нарығында айрықша өзгерістер болады, оның ішінде біліктілік талаптары артады, - деп хабарлайды Тengrinews.kz тілшісі премьер-министр сайтына сілтеме жасап.
ПОДЕЛИТЬСЯ
Еңбек және халықты әлеуметтік қорғау министрі Бердібек Сапарбаев қазіргі кәсіптік стандарттардың әзірленуі туралы баяндады. Оның айтуынша, 2025 жылға қарай еңбек нарығында айрықша өзгерістер болады, оның ішінде біліктілік талаптары артады, - деп хабарлайды Тengrinews.kz тілшісі премьер-министр сайтына сілтеме жасап.
Алдын-ала болжам бойынша кадрларға қосымша қажеттілік 573 мыңнан астам адамды құрайды, орта және жоғары білікті жұмыс орындары санының артуы күтіледі", - деді Б. Сапарбаев.
2019 жылдың соңына дейін еңбек нарығында кадрларға қажеттілік болжамын шешу үшін Еңбек ресурстарын ұлттық болжамдау жүйесі құрылатын болады, онда экономика үшін қажет кадрларға сұраныс қалыптастырылады.
Еңбек ресурстарының біліктілігінің еңбек нарығындағы қажеттіліктерге сәйкестігін қамтамасыз ететін Ұлттық біліктілік жүйесін дамыту аясында 106 кәсіптік стандарт әзірленді, оларда жұмыс берушілердің жұмыскерлердің біліміне, дағдылары мен құзыретіне қоятын талаптары көрсетілген. Ағымдағы жылы 12 басым сала бойынша 480 кәсіптік стандарт пен 38 салалық шеңберді әзірлеу және бекіту жоспарланып отыр.
Бұдан өзге, біліктілік жүйесін одан әрі дамыту үшін Министрлік халықаралық сарапшыларды тарта отырып, Ұлттық біліктілік жүйесін дамыту жөніндегі 2025 жылға дейінгі жол картасын әзірлеуде, ол екінші жартыжылдықта қабылданады.
Премьер-министр Асқар Маминнің төрағалығымен өткен ҚР Үкіметінің отырысында техникалық және кәсіптік білім беруді одан әрі дамыту мәселелері қаралды
Техникалық және кәсіптік білім жүйесін дамыту перспективалары туралы баяндай отырып, білім және ғылым министрі Кұләш Шәмшидинова "Баршаға арналған тегін ТжКБ" жобасы шеңберінде 199 мың адам оқитынын жеткізді. Соңғы 3 жылда 3,7 миллиард теңгеге құрал-жабдықтар сатып алынды. Мемлекеттік колледждердің 71 пайызы техникалық бейіндегі мамандарды даярлауды жүзеге асырады. Қазақстанда 821 колледж жұмыс істейді. Мемлекеттік колледждердің 71 пайызы техникалық бейіндегі мамандарды, ал жеке колледждердің 67 пайызы гуманитарлық-экономикалық бейіндегі мамандарды даярлайды.
Сонымен қатар, еңбек нарығын біліктілігі жоғары кадрлармен қамтамасыз ету бойынша тиімді нәтижелерге қол жеткізу үшін колледждерді сенімді басқаруға беруді жүзеге асыру көзделген. Қазірдің өзінде экономиканың түрлі секторларындағы 150 өндірістік көшбасшы бұл процеске қатысуға ынта білдірді.
"Жұмыс берушілерді кадрлар даярлау процесіне тарту үшін бизнес үшін несие және салық мәселелерін жеңілдету арқылы жағдайлар тудыру қажет, сонымен қатар мамандарды еңбек нарығының шынайы қажеттіліктеріне сай даярлау керек", - деді Күләш Шәмшидинова.
Өз кезегінде, "Атамекен» ҰКП басқарма төрағасының орынбасары О. Ордабаев ТжКБ дамыту аясында еңбекке орналастыру процесін жетілдіру бойынша ұсынылатын тәсілдер туралы айтып берді. Бағдарламаның іске асырылуы және бұдан кейінгі жоспарлар туралы Атырау облысының әкімі Н. Ноғаев, Солтүстік Қазақстан облысының әкімі - Қ. Аксақалов баяндады.
Отырыста сонымен қатар бизнес және жоғарғы оқу орындарының өкілдері - "АгроДаму» ЖШС басшысы Р. Букеев, А. Байтұрсынов атындағы Қостанай мемлекеттік университетінің ректоры А. Дощанова баяндады.
ҚР премьер-министрінің Орынбасары Г. Әбдіқалықова технкиалық және кәсіптік білімді дамыту үшін бірнеше бағытты қолдану қажеттігін атап өтті, оның ішінде дуальды оқытуды дамыту және колледждерді басқару жүйесін жетілдіру бар. Қазіргі талаптарға сәйкес колледждердің материалдық-техникалық базасын жақсарту қажет. Сонымен қатар, ТжКБ дамытуға бизнесті тарту мәселесін пысықтау керек.
Показать комментарии
Читайте также
