Сара Назарбаеваның інісі қайтыс болды

Сара Назарбаеваның інісі Саяхат Қонақаев өмірден өтті, - деп хабарлайды Tengrinews.kz тілшісі.

"Тау-Кен Самұрық" ұлттық тау-кен компаниясы баспасөз қызметінің хабарлауынша, 21 қыркүйек күні компанияның басқарма төрағасының орынбасары Саяхат Алпысұлы Қонақаев қайтыс болды. 

Саяхат Қонақаев ұлттық тау-кен компаниясы басқарма төрағасының орынбасары қызметін 2009 жылдың мамыр айынан бері атқарды. Ол 1955 жылдың 3 маусымында дүниеге келген. 1980 жылы Қарағанды металлургия комбинатының жоғары техникалық оқу орнын (зауыт) "Инженер-металлург" мамандығы бойынша тәмамдады. Әр жылдары ҚР Экономика және сауда министрлігінде, Инвестициялар жөніндегі агенттікте, Энергетика және минералды ресурстар министрлігінде жұмыс істеді.