"Сарыарқа" мен "Достық" метро станциялары 2021 жылы ашылады

Алматыда биыл "Сарыарқа" мен "Достық" метро станциялары ашылады, - деп хабарлайды Tengrinews.kz тілшісі Алматы әкімдігіне сілтеме жасап.

Биыл "Жаңа Алматы" жоспары аясында 40,4 шақырым жаңа жол салынып, 200 шақырымнан аса жолға орташа жөндеу жүргізіледі, үш жолайрық құрылысы мен төрт көшені ұзарту жобалары жалғасады. Сондай-ақ, "Сарыарқа" және "Достық" метро станцияларының құрылысын аяқтау және "Қалқаман" станциясының құрылысын жалғастыру көзделген.

Инженерлік желілер бойынша бірқатар проблеманы жүйелі шешу үшін "Ақсай" су жинау станциясы, Наурызбай ауданында коллектор салынады. Бұдан басқа, 170 шақырым су құбыры және 145 шақырым кәріз желілерінің құрылысы жоспарланған.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!