Сәтбаев қаласында әкім орынбасарының пара алғаны әшкере болды

Сәтбаев қаласы әкімінің орынбасары пара алған деген күдік бар, - деп хабарлайды Tengrinews.kz тілшісі Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігінің баспасөз қызметіне сілтеме жасап.

"Қарағанды облысының Сәтпаев қаласы әкімі орынбасарының қылмысы әшкереленді. Ол тұрғындардың жақын маңдағы жерлерден қоныс аударуына арналған Сәтпаев қаласында 2 жатақхана құрылысы кезінде жасалынған жұмыс актілеріне кедергісіз қол қою үшін жеке ұйымдардың бір өкілінен 100 мың теңге мөлшерінде пара алғаны үшін күдіктелуде", - деді баспасөз қызметтегілер.

Өзінің кінәсін толығымен мойындауына байланысты ол қамауға алынбады.