Сауд Арабиясының арнайы қызметі Қазақстанның бес бірдей азаматын қамауға алды - БАҚ

Сауд Арабиясының қауіпсіздік органы террорлық ұйымға қосылмақшы болды деген күдікпен Қазақстанның бес бірдей азаматын ұстады. Бұл туралы РИА Новости жергілікті басылымдарға сілтеме жасап хабарлады.

Басылымның мәліметінше, күдіктілер қазір қамауға алынды. Айта кетейік, Сауд Арабиясында терроризмге қатысы бар деген күдікпен Қазақстан азаматтары алғаш рет ұсталып отыр.

Соңғы екі апта ішінде корольдіктің арнайы жасағы террорлық ұйымға қосылуға талпынды деген күдікпен 75 адамды ұстады. Олардың жартысынан көбі Сауд Арабиясының азаматтары, қалғандары Сирия, Пәкістан, Үндістан, Йемен, Мысыр, Палестина, Иордания және АҚШ-тан келген.