Семейде өрт кезінде 18 жастағы қыз тоғызыншы қабаттан секіріп кетті

Семейде өрт кезінде қыз тоғызыншы қабаттағы пәтердің терезесінен секіріп кетті, - деп хабарлайды Tengrinews.kz тілшісі.

Өрт бүгін түстен кейін қала орталығында 9-қабатта орналасқан пәтердің балконынан шықты. Өртсөндіру бөлімшелері келгенде тұрғын үйден қою қара түтін шығып жатқан.

Қалалық ТЖ басқармасының мәліметнше, пәтерде 2003 жылы туған қыз болған. Ол үйден өздігінен шыға алмаған, өйткені ата-анасы есікті сыртынан жауып кеткен.

Құтқарушылар қызды эвакуациялау үшін автосатыны ашқанын хабарлады. Алайда ол қорыққанынан тоғызыншы қабаттың балконынан секіріп кеткен. 

Жедел жәрдем дәрігерлері зардап шеккен қызды шұғыл ауруханаға жеткізді, оның жағдайы әлі белгісіз. Қазір жансақтауда.

Өрт аумағы 6 шаршы метр. Өрттің шығу себебі бойынша, отты епсіз қолдану деген нұсқа бар. 

Сілтемесіз жаңалық оқисыз ба? Онда Telegram желісінде парақшамызға тіркеліңіз!