Семейдегі арнайы операция: Sport Bar букмекерлік кеңсесінің жұмысы тоқтатылды

"Sport Bar" атауымен "букмекерлік кеңсе" атын жамылған заңсыз ойын бизнесі қызметін тоқтатты, - деп хабарлайды Tengrinews.kz тілшісі ҚМА мәліметіне сілтеме жасап.

"STOP Ойын" шарасы аясында Абай облыстық Полиция департаментінің "Арлан" арнайы жасағымен бірлесіп, Семей қаласында екі мекенжай бойынша банкноттарды қабылдайтын және қолма-қол ақшалай ұтыс беретін терминалдар, компьютерлер, ақша және т.б. заттай айғақтар тәркіленіп алынған.

"Бір топ тұлғалардың алдын ала келісімімен заңсыз ойын бизнесін ұйымдастыру дерегі бойынша соталды тергеу амалдары жүргізіліп жатыр. ҚР ҚПК-ның 201 бабына сәйкес өзге де мәліметтер жарияланбайды", - деді ҚР ҚМА ресми өкілі Әлібек Әбділов.

Сілтемесіз жаңалық оқисыз ба? Онда Telegram желісінде парақшамызға тіркеліңіз!