+7 (777) 001 44 99
Қазақша
Русский
English
18 қараша 2021 13:05
Сенат Мәжіліске бюджет туралы заң жобасын қайтарды
Сенат депутаттары Мәжіліске 2022-2024 жылдарға арналған республикалық бюджет туралы заң жобасын түзетулермен қайтаруға дауыс берді, - деп хабарлайды Tengrinews.kz тілшісі.
ПОДЕЛИТЬСЯ
Сенат депутаттары Мәжіліске 2022-2024 жылдарға арналған республикалық бюджет туралы заң жобасын түзетулермен қайтаруға дауыс берді, - деп хабарлайды Tengrinews.kz тілшісі.
"Заң жобасын талқылау барысында Сенат комитеттері мен депутаттарының ескертулері мен ұсыныстарын ескере отырып, Мәжіліс мақұлдаған заң жобасына мынадай негізгі бағыттар бойынша өзгерістер мен толықтырулар енгізу қажеттігі туындады:
- 2022 жылы мемлекеттік қызметшілерге факторлық-балдық шкаланы енгізу - 44,4 миллиард теңге;
- тасжолдарды реконструкциялау мен дамытуға жалпы сомасы 8,2 миллиард теңге, оның ішінде 2022 жылы 4,5 миллиард теңге;
- су құбыры желілерін салу және жөндеу жалпы сомасы 8,1 миллиард теңгеге, оның ішінде 2022 жылы - 3,8 миллиард теңгеге;
- 2022 жылы газбен жабдықтауға - 1,2 миллиард теңге;
- жеке тұрғын үй құрылысының инженерлік-коммуникациялық инфрақұрылымының құрылысы жалпы сомасы 3,3 миллиард теңге, оның ішінде 2022 жылы - 2 миллиард теңге", - деп атап өтті сенатор Ольга Перепечина.
Сонымен қатар, оның айтуынша, функцияларды беруге байланысты мемлекеттік органдар арасында қаражат қайта бөлінді, депутаттардың басқа да ұсыныстары қолдау тапты.
"Қаржы және бюджет комитеті Мәжіліске "2022-2024 жылдарға арналған республикалық бюджет туралы" заң жобасына өзгерістер мен толықтырулар енгізуді ұсынады", - деп қорытындылады Перепечина.
Депутаттар заң жобасын Мәжіліске қайтаруға дауыс берді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
