+7 (777) 001 44 99
Қазақша
Русский
English
05 мамыр 2022 | 13:00
Сенат спикері Әшімбаев базалық мөлшерлеме туралы пікірін білдірді
Сенат спикері Мәулен Әшімбаев Қазақстандағы базалық мөлшерлеменің жоғары деңгейіне қатысты пікір білдірді, - деп хабарлайды Tengrinews.kz тілшісі.
ПОДЕЛИТЬСЯ
Сенат спикері Мәулен Әшімбаев Қазақстандағы базалық мөлшерлеменің жоғары деңгейіне қатысты пікір білдірді, - деп хабарлайды Tengrinews.kz тілшісі.
Әшімбаев геосаяси шиеленіс жалғаса беретінін, Қазақстан бұған дайын болып, экономикалық өсуді қамтамасыз ету үшін ішкі ресурстарды іздеуі керегін айтты.
"Ел экономикасын несиелендірудің төмен деңгейіне назар аударған жөн. Бүгінде экономиканы кредиттеу 25 пайыз деңгейінде сақталып отыр. Көп немесе аз дамушы елдерде бұл көрсеткіш 60-70 пайыз. Сингапурда, Кореяда, бірқатар Еуропа елдерінде - 150 пайыз. Біз осы жылдар бойы экономикамызға кредит беруді қысқартып келеміз. Бұған жоғары пайыздық мөлшерлеме де әсер етеді - шамамен 14 пайыз. Біз бұл үкіметтің инфляцияны тежеудің басты тетігі екенін түсінеміз. Бірақ егер сыртқы қауіп сақталатын болса, онда біз осы жоғары пайыздық мөлшерлемемен экономиканы дамыта алмаймыз", - деді Сенат Төрағасы отырыста.
Сенат Төрағасы соңғы жылдары Қазақстан жоғары базалық мөлшерлемені ұстап отырғанына назар аударды. Сонымен қатар, оның айтуынша, республикалық бюджеттен бизнес үшін пайыздық мөлшерлемені субсидиялау мәселесі қарастырылып жатыр.
"Бір жағынан, банктер экономиканы несиелендірмейді немесе жоғары пайыздық мөлшерлемемен несие бермейді. Екінші жағынан, біз халық ақшасы арқылы ШОБ үшін пайыздық мөлшерлемені субсидиялаймыз. Тек "Даму" қорының желісі бойынша биыл 170 миллиард теңге бөлеміз. Осылайша, біз жоғары пайыздық мөлшерлемені сақтаймыз, сонымен бірге бюджет шығындары осы пайыздық мөлшерлемені төмендетуге жұмсалады. Біз қандай да бір қатал шеңберде тұрмыз. Мұндай жағдай мемлекеттік органдарға да, банктерге де қолайлы болып көрінеді, өйткені тәуекел аз, жауапкершілік аз. Шикізат компанияларының, мұнай мен металлға қойылған жоғары баға есебінен біз экономиканың қандай да бір деңгейін қамтамасыз етіп отырмыз. Экономиканы кредиттеу бойынша пайымды қалыптастыратын және бұл көрсеткішті батыс және Азия елдеріне жеткізетін кез келді емес пе?"- деді Әшімбаев.
Мәулен Әшімбаев бұл мәселені Үкіметтің алдағы маусым айындағы есебінде қосымша қарастыруды ұсынды.
Показать комментарии
Читайте также
