+7 (777) 001 44 99
Қазақша
Русский
English
27 тамыз 2024 | 14:40
Шенеунік тұрғын үйлерді жөндеуге бөлінген қаржыны жымқырған
Шымкент қаласының қылмыстық істер жөніндегі ауданаралық сотында қаланың тұрғын үй басқармасы басшысының бұрынғы орынбасары мен жеке кәсіпкерге қатысты қылмыстық іс қаралды, олар алдын ала сөз байласу бойынша бір топ адамның бюджет қаражатын аса ірі мөлшерде ұрлады деп айыпталды, - деп хабарлайды Tengrinews.kz тілшісі.
ПОДЕЛИТЬСЯ
Шымкент қаласының қылмыстық істер жөніндегі ауданаралық сотында қаланың тұрғын үй басқармасы басшысының бұрынғы орынбасары мен жеке кәсіпкерге қатысты қылмыстық іс қаралды, олар алдын ала сөз байласу бойынша бір топ адамның бюджет қаражатын аса ірі мөлшерде ұрлады деп айыпталды, - деп хабарлайды Tengrinews.kz тілшісі.
Сот 2023 жылы сотталушылардың бірі басқарма басшысының орынбасары бола тұра, екінші сотталушы - жеке кәсіпкердің көмегімен көп қабатты тұрғын үйлерді жөндеу жұмыстарына және олардың сейсмикалық тұрақтылыққа технологиялық тексеруіне бөлінген 367 миллион теңгеден астам сомаға бюджет қаражатын бөлгенін анықтады.
Кәсіпкер қаржыны мемлекеттік сатып алуларда жеңіске жеткен жетекші ЖШС арқылы алып отырған. Шенеунік өз кезегінде ата-анасының атына тіркелген монша кешенін салу арқылы ақшаны заңдастырды.
"Сотталушылардың кінәсі куәгерлердің айғақтарымен, заттай дәлелдемелермен, ЖСҚ нәтижелерімен, мамандар мен сарапшылардың қорытындыларымен, сондай-ақ іс бойынша жиналған басқа да дәлелдемелермен дәлелденді. Сот сотталушылардың асырауында жас балалардың болуы қылмыстық жауаптылық пен жазаны жеңілдететін мән-жайлар деп таныды. Шенеунікке үкім шығару кезінде ол қабылдаған антты бұзып, қылмыстық құқықбұзушылық жасау ауырлататын мән-жай деп танылды", - деп хабарлады сотта.
Сот Шымкент тұрғын үй басқармасы басшысының бұрынғы орынбасарын мүлкі тәркіленіп, 9 жылға бас бостандығынан айыруға үкім шығарды. Кәсіпкерге 8 жылға бас бостандығынан айыру жазасы тағайындалды.
Үкім заңды күшіне енген жоқ.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
