Шерзат ісі бойынша сот отырысы: тікелей эфирде жер сілкінісі сезілді

Шерзат ісі бойынша сот отырысына қатысушылар жер сілкінісін сезді. Оқиға тікелей эфирге түсіп қалды, - деп хабарлайды Tengrinews.kz тілшісі.

Осы сәтте сотта сот-медициналық сарапшы Тахир Халимназаров сөйлеп жатқан болатын. Ол бұрынғы ұлттық экономика министрі Қуандық Бишімбаевтың ісіне қатысқан сарапшы ретінде танымал. Жер сілкінісінен кейін судья үзіліс жариялады.

Еске салайық, Еуропа-Жерорта теңізі сейсмологиялық орталығы мәліметінше, 15:59-де (Астана уақытымен) Талдықорғаннан солтүстік-батысқа қарай 20 шақырым жерде магнитудасы 4,6 болатын жер сілкінісі тіркелген.

Сілтемесіз жаңалық оқисыз ба? Онда Telegram желісінде парақшамызға тіркеліңіз!