11 тамыз 2022 | 17:51

Шетелдік компаниялар 3 миллиард теңге "Google салығын" төледі

Дина Шарипханова Корреспондент

Фото ©REUTERS

Қазақстандағы шетелдік компаниялар "Google салығы" бойынша Қазақстан бюджетіне 3 миллиард теңге төледі. Бұл туралы Қаржы министрлігінің Мемлекеттік кірістер комитеті хабарлады, - деп хабарлайды Tengrinews.kz тілшісі.

Қазақстандағы шетелдік компаниялар "Google салығы" бойынша Қазақстан бюджетіне 3 миллиард теңге төледі. Бұл туралы Қаржы министрлігінің Мемлекеттік кірістер комитеті хабарлады, - деп хабарлайды Tengrinews.kz тілшісі.

Жыл басынан бері Желіде қызмет көрсететін шетелдік компаниялар, сондай-ақ интернет арқылы жеке тұлғаларға тауар сататын шетелдік сауда алаңдары (маркетплейстер) ҚҚС ("Google салығы") төлеуі тиіс.

"Бұл салық жаңалық емес, ол әлемнің көптеген елінде қолданылады, мысалы Францияда - 2017 жылдан, Ұлыбританияда - 2020 жылдан, Италияда - 2021 жылдан, Түркияда 2020 жылдан бастап. Бұл салықты ТМД елдерінде де, Ресейде - 2017 жылдан, Беларусьте - 2018 жылдан, Өзбекстанда 2021 жылдан бастап қолданады. (...)
Біздің азаматтар бұл салықты төлемейді. Салықты шетелдік интернет-компаниялар төлейді", - деді Мемлекеттік кірістер комитетіндегілер.

Салықты тұрақты төлемейтіндерге қатысты мынадай шаралар қолданылады:

салықтан жалтарған шетелдік интернет-компаниялар атауын бұқаралық ақпарат құралдарында жариялау;
салықты тұрақты төлемейтіндер туралы шетелдік салық басқармасына хат жолдау;
салықтан жалтару әрекеті жалғасса компания ресурстарына қолжеткізуді шектеуге немесе толығымен тыйым салынуы мүмкін.