+7 (777) 001 44 99
Қазақша
Русский
English
11 қазан 2022 | 13:17
Шетпеде мектеп оқушыларының төбелесі видеоға түсіп қалды
Қазнетте мектеп оқушыларының төбелесіп жатқан видеосы тарады. Кейін оқиға Маңғыстау облысы Шетпе ауылында болғаны анықталды, - деп хабарлайды Tengrinews.kz тілшісі.
ПОДЕЛИТЬСЯ
Қазнетте мектеп оқушыларының төбелесіп жатқан видеосы тарады. Кейін оқиға Маңғыстау облысы Шетпе ауылында болғаны анықталды, - деп хабарлайды Tengrinews.kz тілшісі.
Кадрларда оқиға түнде болғаны оған жиырмаға жуық жасөспірім қатысқаны көрінеді. Сондай-ақ, төбелеске қатысушылар бір-біріне тасқа ұқсайтын заттар лақтырады.
"Видео 8 қазан сағат 22:00 шамасында Шетпе ауылындағы вокзал маңында түсірілген. 16-17 жас аралығындағы 18 жасөспірім анықталды, олар ата-аналарымен бірге полиция бөліміне жеткізілді", - деді Ішкі істер министрлігі таратқан хабарламада.
Кәмелетке толмағандардың заңды өкілдері ҚР ӘҚБтК-нің 442-бабының 2-бөлігі ("Кәмелетке толмағандардың түнгі уақытта заңды өкілдерінің еріп жүруінсіз ойын-сауық мекемелерінде немесе үйден тыс жерде болуы") бойынша жауапкершілікке тартылды. Сондай-ақ олардың әрқайсысымен профилактикалық әңгіме жүргізілді.
Полиция бұл дерекке қатысты шағымдар мен мәлімдемелер болмағанын атап өтті.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
