ШҚО-да үш күнде 40-тан аса мас күйде көлік жүргізгендер ұсталған

Шығыс Қазақстан облысында сәуірдің 18-20 аралығында "Қауіпсіз жол" жедел профилактикалық шара өтті, - деп хабарлайды YK-news.kz. Рейд кезінде 700-ден аса жол ережесін бұзу деректері анықталған. 

"42 жүргізуші көлікті мас күйде жүргізген, тағы 17 адамның құжаттары болмай шықты. Жылдамдықты асыру деректері бойынша 255 адам жауапкершілікке тартылды, ал 70 жүргізуші жаяу жүргіншіге жол бермегені үшін жазаланды. Сонымен қатар, 400-ге жуық жүргізуші қауіпсіздік белбеулерін тақпаған", - деді ШҚО полиция департаментінің өкілдері. 

Полиция мәліметінше, ШҚО-да үш айда 182 жол апаты болған, соның салдарынан 18 адам қаза тауып, 257-ісі ауруханаға түскен.