+7 (777) 001 44 99
ПОДЕЛИТЬСЯ
Шығысқазақстандық кәсіпкер жетім қызға үй алып берді, - деп хабарлайды Tengrinews.kz тілшісі ШҚО Ақпараттық орталығына сілтеме жасап. Кәсіпкер пәтер кілтін "Мейірім" акциясы барысында табыс етті.
Шығысқазақстандық кәсіпкер жетім қызға үй алып берді, - деп хабарлайды Tengrinews.kz тілшісі ШҚО Ақпараттық орталығына сілтеме жасап. Кәсіпкер пәтер кілтін "Мейірім" акциясы барысында табыс етті.
"Жеке кәсіпкер Анар Назарова Семей қаласының №8 балалар үйінің түлегі Арайлым Ысқақоваға пәтер кілтін табыстады. Назарова тек Арайлымға ғана емес, бірнеше жыл қатарынан балалар үйінің түлектеріне әлуметтік көмек көрсетіп келеді", - делінген орталықтың хабарламасында.
"Анамдай болып кеткен Семейдегі №8 балалар үйінің тәлімгерлеріне, бүгін пәтер кілтін табыстап, толағай қуанышқа бөлеп отырған Анар әпкеме шексіз алғысымды білдіремін", - деді Арайлым.
Айта кетейік, қазіргі таңда ШҚО-да 3519 жетім және ата-анасының қамқорлығынсыз қалған бала бар. Оның ішінде 1191 бала толық мемлекет қарауында, 2192 бала отбасында қамқорлықта болса, 136 бала патронаттық тәрбиеге берілген. Өскемен қаласында жетім және ата-анасының қамқорлығынсыз қалған балаларға қолдау көрсету мақсатында ШҚО әкімдігінің бастамасымен 2011 жылдан бастап өңірде 2011-2015 жылдарға арналған кешенді жоспар мен "Мейірім" акциясы жүзеге асырылып келеді. Бүгінгі таңда акциямен облыс бойынша 1800-ден астам бала қамтылып, олардың есепшоттарына аударылған қаражат көлемі 212 миллион теңгеге жетті.
