Шымкент әкімдігіне қарулы қарақшылар шабуылдады - жаттығу

17 Мамыр 2017, 11:19
0
Шымкент әкімдігіне қарулы қарақшылар шабуылдады - жаттығу - Видеодан скриншот
Видеодан скриншот

Шымкент әкімдігінде "Шабуыл-2017" оқу-жаттығуы өтті, - деп хабарлайды Тengrinews.kz тілшісі әкімдіктің Facebook желісіндегі ресми парақшасына сілтеме жасап. Жаттығу сценариі бойынша ғимаратқа қарақшылар шабуыл жасап, бейбіт тұрғындарға қауіп төндірді.

"Басты мақсат - барлық кұрылымның қарақшылар шабуылына қарсы дайындығын тексеру. Қазіргі таңда барлық жерде терроризммен күрес шаралары күшеюде екені белгілі. Және мұндай оқу-жаттығу сол бағыттағы жұмыстың бір бөлігі. Оқу-жаттығу барлық маңызды нысандарда өткізіліп, оған құқық қорғаушылар, жергілікті полиция қызметкерлері, Әл Фараби полиция бөлімінің жедел қимыл жасағы, төтенше жағдай қызметкерлері мен арнайы күзет өкілдері қатысты", - дейді "ОҚО Күзет" мекемесінің бастығы Тілеубердиев Қанатбек.

Оқу-жаттығуға 120-дай адам қатысқан. Әкімдік өкілдері жаттығудың сәтті өткенін атап өтті. Шұғыл әрекет жасағы діттеген оқиға орнына 5-7 минутта келіп жеткен. Ал кеткен кемшіліктер қайталанбас үшін штаб өкілдерімен талқылауға салынды.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай